பிரதமராக மீண்டும் பதவி ஏற்ற பின், முதல் வெளிநாட்டு விஜயமாக மாலைத்தீவு சென்ற பிரதமர் மோடிக்கு மாலைத்தீவு அரசு உயரிய விருதளித்து கெளரவம் வழங்கியுள்ளது.
மாலே நகரில் உள்ள வேலனா சர்வதேச விமானம் நிலையத்தை நேற்றையதினம் சென்றடைந்த பிரதமர் மோடியை, அந்த நாட்டின் வெளியுறவு அமைச்சர் அப்துல்லா சாகித், இந்திய தூதர் சஞ்சய் சுதிர் உள்ளிட்டோர் வரவேற்றனர்.
தொடர்ந்து அங்குள்ள குடியரசு சதுக்கத்தில் நடந்த வரவேற்பு நிகழ்ச்சியில், பிரதமர் மோடியை அந்த நாட்டின் ஜனாதிபதி இப்ராகிம் முகமது சோலி நேரில் வரவேற்றார். அத்துடன் பிரதமர் மோடிக்கு அணிவகுப்பு மரியாதையும் வழங்கப்பட்டது.
அதையடுத்து ஜனாதிபதி மாளிகையில் இடம்பெற்ற விழாவில், வெளிநாட்டு தலைவர்களுக்கு மாலைத்தீவு அரசு வழங்கக்கூடிய உயரிய விருதை (‘ரூல் ஆப் நிஷான் இஜ்ஜூதீன்’) பிரதமர் மோடிக்கு ஜனாதிபதி இப்ராகிம் முகமது சோலி வழங்கி கௌரவித்தார்.
கருத்து தெரிவிக்க