நாட்டின் வெவ்வேறு பகுதிகளில் இடம்பெற்ற வாகன விபத்துக்களில் மூவர் பலியாகியுள்ளனர். மேலும் இருவர் காயமடைந்துள்ளனர்.
பொத்துவில், கடவத்தை மற்றும் ராகம ஆகிய பிரதேசங்களில் நேற்றைய தினம் விபத்துக்கள் இடம்பெற்றுள்ளதாக பொலிசார் தெரிவித்துள்ளனர். சிறுவன் ஒருவன் உட்பட மூவர் விபத்துக்களில் உயிரிழந்துள்ளனர்.
பொத்துவில் – சியல்பலாண்டுவ பகுதியில் மோட்டார் சைக்கிளொன்று வேக கட்டுப்பாட்டு இழந்து தூண் ஒன்றில் மோதியதில் விபத்து நேர்ந்துள்ளது. இதில் மோட்டார் சைக்கிளில் பின்னால் சென்ற சிறுவன் உயிரிழந்துள்ளான்.
கடவத்தை – கிரிமெட்டியாகார பகுதியில் இடம்பெற்ற மற்றுமொரு விபத்தில் மோட்டார் சைக்கிளொன்று வேக கட்டுப்பாட்டை இழந்து தூண் ஒன்றில் மோதியுள்ளது. குறித்த விபத்தில் ஓட்டுனர் உயிரிழந்துள்ளதாக பொலிசார் தெரிவித்துள்ளனர்.
இதேவேளை ராகம – ஹூணுப்பிட்டிய பகுதியில் நேற்றிரவு இடம்பெற்ற விபத்தில் மோட்டார் வண்டியொன்று பாதசாரி ஒருவர் மீது மோதியுள்ளது. படுகாயமடைந்த பாதசாரி ராகம வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.
கருத்து தெரிவிக்க