வவுனியா மடுகந்த பகுதியிலுள்ள தேசிய பாடசாலையொன்றுக்கு அருகில் லொறியொன்று சரிந்து வீழ்ந்ததால் ஏழு பேர் காயமடைந்த நிலையில் வைத்தியசாலையில் அனுமதிக்கப்பட்டுள்ளன.
இந்த சம்பவம் இன்று காலை இடம்பெற்றுள்ளதாக தெரிவிக்கப்படுகிறது.
வவுனியாவிலிருந்து திருகோணமலை நோக்கிச் சென்றுகொண்டிருந்த லொறியொன்றே இவ்வாறு சரிந்து வீழ்ந்துள்ளதாக பொலிஸார் தெரிவித்தனர்.
உரம் ஏற்றிக்கொண்டு வந்த குறித்த லொறி பாடசாலைக்கு அருகிலுள்ள வலைவொன்றில் திருப்பும் போதே சரிந்து வீழ்ந்து இந்த விபத்து ஏற்பட்டுள்ளதாக பொலிஸார் மேலும் தெரிவித்தனர்.
குறித்த லொறியில் பயணம் செய்த ஏழு பேரே காயமடைந்த நிலையில் வவுனியா வைத்தியசாலையில் அனுமதிக்கப்பட்டதாக பொலிஸார் தெரிவித்தனர்.
வேகத்தைக் கட்டுப்படுத்த முடியாத காரணத்தினாலேயே இந்த விபத்து இடம்பெற்றுள்ளதாகவும் இதுதொடர்பான விசாரணைகளை மேற்கொண்டு வருவதாக வவுனியா மடுகந்த பொலிஸார் தெரிவித்துள்ளனர்.
கருத்து தெரிவிக்க