பயங்கரவாதத் தடை (பி.டி.ஏ) சட்டத்தின் கீழ் தடுத்து வைக்கப்பட்டுள்ள தமிழ்அரசியல் கைதிகளை விடுவிப்பதில் தான் உறுதியாக இருப்பதாக தெரிவித்துள்ளார் கருணா. வானொலியொன்றுக்கு அளித்த செவ்வியிலேயேஅவர் இதனைத் தெரிவித்துள்ளார்.அதில் அவர் மேலும் தெரிவித்துள்ளதாவது
தமிழ் அரசியல் கைதிகள் விடுதலை தொடர்பில் அரசாங்கத்துடன் பேசுவேன். போருக்குப் பின்னர், சிலர் சிறிய பிரச்சினைகளுக்காக கைது செய்யப்பட்டு பல ஆண்டுகளாக தடுத்து வைக்கப்பட்டுள்ளனர். மேலும் யுத்தம் முடிவடைந்ததிலிருந்து அவர்களும் இயல்பு வாழ்க்கைக்கு திரும்ப வேண்டும்,” என்று அவர் கூறினார். ஏற்கனவே, சுமார்13,000 தமிழ் போராளிகள் புனர்வாழ்வு அளிக்கப்பட்டு விடுவிக்கப்பட்டனர் என்றும், எனவே, இந்த கைதிகளையும் விடுவிப்பதற்காக பரிசீலிக்க வேண்டும் என்றும், பொதுத் தேர்தல் முடிந்ததும் இந்த விடயத்தை எடுத்துக் கொள்ள வேண்டும் என்றும் அவர் கூறினார். ஒரு செயல்பாட்டில் பணியாற்ற வேண்டும் மற்றும் அவர்களை விடுவிக்க வேண்டும். ஆகவே ஜனாதிபதியிடமும் பிரதமரிடமும் இந்த விடயம் குறித்து மீண்டும் வலியுறுத்தியுள்ளதாகவும், தேர்தலுக்கு பின்னர் இது நடக்கும் என்றும் அவர் மேலும் தெரிவித்தார்.
கருத்து தெரிவிக்க