பலவித நோய்களை குணமாக்கும் ஆற்றல் கொண்ட அற்புத மருந்து கருஞ்சீரகம். இதன் மருத்துவ பயன்கள் சிலவற்றை பார்ப்போம்.
- கருஞ்சீரகத்தை தூளாக்கி அதில் 4 கிராம் எடுத்து தேனில் கலந்து 3 இல் இருந்து 7 நாட்கள் வரைக்கும் காலையும் மாலையும் சாப்பிட்டு வந்தால், விசப் பூச்சிக் கடியாக இருந்தாலும் , வேறு எந்த நச்சுக் கடியாக இருந்தாலும் குணமாகும்.
- தலைவலிக்கும் மூட்டு வீக்கத்திற்கும் கருஞ்சீரகத்தை வெந்நீர் விட்டு அரைத்து பற்றுப் போல் பூசி வந்தால் குணமாகும்.
- கரப்பான் , தோல் சிரங்கு , படை போன்ற பிரச்சனைகளுக்கு கருஞ்சீரகத் தூளை நல்லெண்ணெயில் கலந்து குழைத்து பூசினால் குணமடையும்.
- விடாமல் வரும் விக்கல் பிரச்சனைகளுக்கு கருஞ்சீரகத் தூளில் ஒரு கிராம் எடுத்து மோரில் கலந்து குடித்தால் உடன் குணமாகும்.
- உடலில் ஏற்படும் தேமலை பூரணமாய் இல்லாதொழிக்க கருஞ்சீரகத்தை நீர் விட்டு அரைத்து , தேமலின் மேல் பூசி வர நிவாரணம் கிடைக்கும்.
- ஒரு கைப்பிடி அளவு கீழ்க்காய் நெல்லி இலைகளுடன் ஒரு தேக்கரண்டியளவு கருஞ்சீரகம் சேர்த்து சிறிதளவு பசும்பால் விட்டு அரைத்து எடுத்து , ஒரு கப் பாலில் கலந்து காலையும் மாலையும் உணவு உண்ட பின் , 30 நிமிடங்கள் கழித்து பருகி வர மஞ்சள் காமாலை குணமாகும்.
கருத்து தெரிவிக்க