முதலாவது டெஸ்ட் கிரிக்கெட் போட்டியில் இலங்கை அணி வெற்றி

இலங்கை மற்றும் நியூஸிலாந்து அணிகளுக்கு இடையிலான முதலாவது டெஸ்ட் கிரிக்கெட் போட்டியில் இலங்கை அணி வெற்றி பெற்றுள்ளது.

இலங்கை மற்றும் நியூஸிலாந்து அணிகளுக்கு இடையிலான முதலாவது டெஸ்ட் கிரிக்கெட் போட்டி காலி சர்வதேச விளையாட்டரங்கில் நடைபெற்றது.

இப்போட்டியில் நாணய சுழற்சியை வென்ற நியூஸிலாந்து அணி முதலில் துடுப்பெடுத்தாட தீர்மானித்தது.

அதன் அடிப்படையில் முதலில் களமிறங்கிய நியூஸிலாந்து தனது முதல் இன்னிங்ஸில் சகல விக்கெட்டுக்களையும் இழந்து 249 ஓட்டங்களை பெற்றுக் கொண்டது.

பதிலுக்கு தனது முதலாவது இன்னிங்ஸை தொடர்ந்த இலங்கை அணி சகல விக்கெட்டுக்களையும் இழந்து 267 ஓட்டங்களை பெற்றுக் கொண்டது.

துடுப்பெடுத்தாட்டத்தில் இலங்கை அணி சார்பில் திக்வெல்ல 61 ஓட்டங்களையும் மெண்டிஸ் 53 ஓட்டங்களையும் மெத்தியூஸ் 50 ஓட்டங்களையும் பெற்றுக் கொண்டனர்.

இதனையடுத்து தனது இரண்டாவது இன்னிங்ஸை ஆரம்பித்த நியூஸிலாந்து அணி சகல விக்கெட்டுக்களையும் இழந்து 285 ஓட்டங்களை பெற்றுக் கொண்டுள்ளது.

பந்துவீச்சில் இலங்கை அணி சார்பில் லசித் அம்புல்தெனிய 4 விக்கெட்டுக்களையும் தனஞ்சய டி சில்வா 3 விக்கெட்டுக்களையும் லஹிரு குமார 2 விக்கெட்டுக்களையும் வீழ்த்தியிருந்தனர்.

நியூஸிலாந்து மற்றும் இலங்கை அணிகளுக்கு இடையிலான இரண்டாவது டெஸ்ட் போட்டி எதிர்வரும் 22 ஆம் திகதி கொழும்பில் இடம்பெறவுள்ளது.