கொழும்புக்கும் யாழ்ப்பாணத்துக்கும் இடையில் தினமும் இடம்பெற்று வரும் தொடரூந்து சேவைகள் எதிர்வரும் 3ஆம் திகதியிலிருந்து ஆறு சேவைகளாக அதிரிக்கப்படவுள்ளன.
இந்தியாவிலிருந்து இறக்குமதி செய்யப்பட்ட புதிய தொடரூந்துகளைகளை யாழ்ப்பாண சேவையில் ஈடுபடுத்த தொடரூந்து திணைக்களம் நடவடிக்கை எடுத்துள்ளது.
இதனடிப்படையில் இதுவரை காலமும் நடைமுறையிலிருந்த 4 தொடரூந்துகளை சேவைகள் 3 ஆம் திகதி சனிக்கிழமை முதல் ஆறு சேவைகளாக இடம்பெறவுள்ளதாக தெரிவிக்கப்படுகிறது.
இதனடிப்படையில் உத்தரதேவி புகையிரத சேவைக்கு அடுத்ததாக புதிய தொடரூந்துகளை சேவை யாழ்ப்பாணத்திலிருந்து கொழும்புக்கு நடைமுறைப்படுத்தப்படவுள்ளது.
பிற்பகல் 1.45 மணிக்கு இடம்பெறும் குளிரூட்டப்பட்ட நகர்சேர் கடுகதிக்குப் பின்னர் மாலை 5.45 மணிக்கு காங்கேசன்துறையிலிருந்து கொழும்புக்கு மற்றுமொரு தொடரூந்து சேவையும் இடம்பெறவுள்ளது.
இந்நிலையில் இரவு தபால் புகையிரதம் காங்கேசன்துறையிலிருந்து 7.45 மணிக்கு புறப்பட்டு இரவு 8.10 மணிக்கு யாழ்.மத்திய புகையிரத நிலையத்தை வந்தடைந்து கொழும்புக்குப் புறப்படும்.
தற்போது கொழும்பிலிருந்து இரவு 8.30 மணிக்கு யாழ்.நோக்கிப் புறப்படும் இரவு தபால் புகையிரதம் இரவு 9 மணிக்கு யாழ்.நோக்கி செல்லவுள்ளதாக அறிவிக்கப்பட்டுள்ளது.
கருத்து தெரிவிக்க