இயக்குனர் கவுதம் மேனனுடன் இணைந்த சிபிராஜ்

நடிகர் சத்யராஜின் மகனான சிபிராஜ் தற்போது நடித்துவரும் புதிய படத்தில் இயக்குனர் கவுதம் மேனனுடன் இணைந்திருக்கின்றார்.

நடிகர் சத்யராஜ் நடித்த ‘வால்டர் வெற்றிவேல்’ திரைப்படம், கடந்த 1993-ம் ஆண்டு வெளியாகி சூப்பர்ஹிட்டானது.

தற்போது அவரது மகன் சிபிராஜ் ‘வால்டர்’ என்ற படத்தில் நடித்து வருகின்றார்.

அன்பு என்ற புதுமுக இயக்குனர் இயக்கி வரும், இப்படத்தில் சிபிராஜ் ஜோடியாக ஷிரின் கான்ச்வாலா நடித்து வருகின்றார்.

இந்த படத்தின் படப்பிடிப்பு சமீபத்தில் தொடங்கி விறுவிறுப்பாக நடைபெற்று வருகின்றது.

இந்நிலையில் இப்படத்தில் தற்போது இயக்குனர் கவுதம் மேனன் ஒரு முக்கிய வேடத்தில் நடிக்க ஒப்பந்தமாகியுள்ளார்.

மேலும் இதே படத்தில் சமுத்திரக்கனியும் ஒரு முக்கிய வேடத்தில் நடிக்கின்றார்.