ஜெருசலேமில் உள்ள எதிர்ப்பாளர்கள், காஸாவில் பிடிபட்டுள்ள காஸா அனைத்து பணயக்கைதிகளையும் விடுவிக்க வேண்டி உள்ளதால் காஸாவில் 2 மாத யுத்த இடைநிறுத்தம் தேவை என இஸ்ரேல் முன்மொழிந்து உள்ளது.
அனைத்து பணயக்கைதிகளையும் விடுவிக்கும் பல ஒப்பந்தத்தின் ஒரு பகுதியாக, இரண்டு மாதங்கள் வரை யுத்த இடைநிறுத்தத்தை உள்ளடக்கிய ஒரு திட்டத்தை கத்தார் மற்றும் எகிப்திய மத்தியஸ்தர்கள் மூலம் இஸ்ரேல் ஹமாஸுக்கு வழங்கியுள்ளதாக இஸ்ரேலிய அதிகாரிகள் தெரிவித்தனர்.போரை முடிவுக்குக் கொண்டுவருவதற்கான ஒப்பந்தம் முன்மொழிவில் இல்லை என்றாலும், போர் தொடங்கியதில் இருந்து இஸ்ரேல் ஹமாசுக்கு வழங்கிய மிக நீண்ட கால போர்நிறுத்தம் இதுவாகும்.
130க்கும் மேற்ப்பட்ட கைதிகள் இருப்பதோடு பல பணயக்கைதிகள் அக்டோபர் 7 அல்லது அதற்குப் பிறகு சில வாரங்களில் இறந்ததாக இஸ்ரேலிய அதிகாரிகள் கூறுகின்றனர்.
முன்மொழிவின்படி, உயிருடன் இருக்கும் மீதமுள்ள அனைத்து பணயக்கைதிகளையும் விடுவிப்பது மற்றும் பல கட்டங்களில் இறந்த பணயக்கைதிகளின் உடல்களை திரும்பப் பெறுவது ஆகியவை இந்த ஒப்பந்தத்தில் அடங்கும். முதல் கட்டமாக பெண்கள், 60 வயதுக்கு மேற்பட்ட ஆண்கள் மற்றும் ஆபத்தான நிலையில் உள்ள பணயக்கைதிகள் விடுவிக்கப்படுவார்கள் என்று இஸ்ரேலிய அதிகாரிகள் தெரிவித்தனர்.
இஸ்ரேல் போரை முடிவுக்கு கொண்டுவர ஒப்புக்கொள்ளாது என்றும், இஸ்ரேலிய சிறைகளில் உள்ள 6,000 பாலஸ்தீனிய கைதிகளையும் விடுவிக்க உடன்படாது என்றும் இஸ்ரேலிய அதிகாரிகள் தெரிவித்தனர்.ஹமாஸ் இந்த வாய்ப்பை ஏற்றுக்கொண்டால், கணிசமான எண்ணிக்கையிலான பாலஸ்தீன கைதிகளை விடுவிக்க தயாராக இருப்பதாக இஸ்ரேலிய அதிகாரிகள் தெரிவித்தனர்.
கருத்து தெரிவிக்க