நல்லுாா் கந்தசுவாமி ஆலயத்தின் வருடாந்த பெருந்திருவிழா நாளை கொடியேற்றத்துடன் ஆரம்பமாகவுள்ள நிலையில், நல்லுாா் ஆலயத்தை சூழ இராணுவம், காவல்துறை இணைந்து அதியுச்ச பாதுகாப்பை வழங்கிவருகின்றனா்.
ஆலயத்திற்கு செல்லும் சகல பிரதான வீதிகளும் மூடப்பட்டிருப்பதுடன், காவல்துறையினர் , இராணுவம் இணைந்து மூடப்பட்ட வீதிகளில் பாதுகாப்பு கடமையில் ஈடுபட்டிருக்கின்றனா். அதேபோல் ஆலய வளாகத்திலும் சீருடைய மற்றம் ஆயுதங்களுடன் பெருமளவு காவல்துறையினர் மற்றும் இராணுவம் குவிக்கப்பட்டு சோதனை நடவடிக்கைகள் மேற்கொள்ளப்படுகின்றது.
ஆலயத்துக்கு வரும் பக்தர்கள் உடற் சோதனைக்கு உள்ளாக்கப்படு வர் என்பதுடன், அந்தப் பிரதேசம் முழுமையான சோதனைக்கு உள்ளாக்கப்படவுள்ளது.
அதற்கான முன்னேற்பாடு நடவடிக்கைகள் அனைத்தும் நேற்றுப் காவல்துறையினரால் ஆரம்பிக்கப்பட்டுள்ளது. சோதனைக் கூடங்களும் பொருத்தப்பட்டுள்ளது.
ஆலயச் சூழல் பாதுகாப்பு நடவடிக்கைக்காகப் காவல்துறையினர் இன்று காலை 10 மணி முதல்கடமையில் ஈடுபடுத்தப்படுவர் என்றும் தெரிவிக்கப்பட்டது.
கருத்து தெரிவிக்க