இங்கிலாந்தை சந்திக்கும் அவுஸ்திரேலியா அரையிறுதிக்குள் நுழையுமா?

உலக கிண்ண கிரிக்கட் போட்டியில் இன்று நடைபெறும் லீக் ஆட்டத்தில் அவுஸ்திரேலியா- இங்கிலாந்து அணிகள் பலப்பரீட்சை நடத்துகின்றன.

லண்டன் லார்ட்ஸ் மைதானத்தில் இன்று இலங்கை நேரப்படி 3 மணிக்கு போட்டிகள் ஆரம்பிக்கப்படவுள்ளது.

அவுஸ்திரேலிய அணியின் துடுப்பாட்டம் மற்றும் பந்து வீச்சு வலுவானதாக உள்ளது.

5 ஆட்டங்களில் வெற்றி பெற்று இருக்கும் அவுஸ்திரேலிய அணி தனது ஆதிக்கத்தை தொடர்வதுடன், இந்த ஆட்டத்தில் வென்று அரை இறுதியை உறுதி செய்ய தீவிரம் காட்டும் என தெரிவிக்கப்படுகிறது.

இதேவேளை இங்கிலாந்து அணி, தென் ஆப்பிரிக்கா, பங்களாதேஷ், மேற்கிந்திய , ஆப்கானிஸ்தான் அணிகளை வீழ்த்தியது.

2-வது லீக் ஆட்டத்தில் பாகிஸ்தானிடமும், முந்தைய லீக் ஆட்டத்தில் இலங்கையிடமும் தோல்வியை சந்தித்தது.

இந்நிலையில் 3 ஆட்டங்களில் 2-ல் வெற்றி பெற வேண்டிய நெருக்கடி இங்கிலாந்துக்கு
அணி தள்ளப்பட்டுள்ளது.

ஆகவே அவுஸ்திரேலிய , இங்கிலாந்துக்கிடையிலான இன்றைய போட்டி கடும் எதிர்பார்ப்பை ஏற்படுத்தியுள்ளது.