மலையகத்தில் பெய்து வரும் அடை மழை காரணமாக தலவாக்கலை பேர்ஹாம் தோட்டத்தில் ஏற்பட்ட வெள்ளத்தினால் 09 குடும்பத்தைச் சேர்ந்த 44 பேர் வெளியேற்றப்பட்டுள்ளனர்.
தலவாக்கலை பேர்ஹாம் தோட்டத்தில் நேற்று வெள்ளம் ஏற்பட்ட நிலையில் இன்று (20.07.2019 ) மரம் முறிந்து விழுந்து வீடுகள் பகுதியளவில் சேதமடைந்துள்ளதாக பாதிக்கப்பட்ட மக்கள் தெரிவித்தனர்.
வெள்ளத்தினால் 9 வீடுகள் பாதிக்கப்பட்டுள்ளன. எனினும் உயிராபத்துகள் எதுவும் இல்லையெனவும், சில பொருட்கள் மட்டும் சேதமாகியுள்ளதாக பாதிக்கப்பட்ட மக்கள் தெரிவித்தனர்.
இதன்காரணமாக இக்குடியிருப்பில் வசித்து வந்த 44 பேர் தோட்ட சிறுவர் நிலையத்தில் தற்காலிகமாக தங்க வைக்கப்பட்டுள்ளனர்.
பாதிக்கப்பட்டவர்களில் 9 ஆண்கள், 12 பெண்கள், 23 சிறுவர்கள் அடங்குவதாக குறிப்பிடப்படுகின்றது.
கருத்து தெரிவிக்க