மருதானை பொலிஸ் பிரதேசத்திற்குட்பட்ட மாளிகாகந்த வீதியில், அமைந்துள்ள ஒரு வீட்டில் துப்பாக்கிச்சூடு சம்பவம் ஒன்று இடம்பெற்றுள்ளது.
குறித்த சம்பவம் நேற்று இரவு ஏழு முப்பது மணி அளவில் இடம்பெற்றதாக தகவல் தெரிவிக்கப்படுகின்றது.
குறித்த வீட்டிற்கு வருகை தந்திருந்த நபருக்கும் வீட்டின் உரிமையாளருக்கும் இடையில் ஏற்பட்ட வாய் தர்க்கத்தின் காரணமாக குறித்த துப்பாக்கிச்சூடு சம்பவம் இடம்பெற்றுள்ளது.
குறித்த துப்பாக்கிச் சூடு காரணமாக வீட்டில் இருந்த நபருக்கு காயங்கள் ஏற்பட்டதுடன் அவர் கொழும்பு வைத்தியசாலையில் அனுமதிக்கப்பட்டு சிகிச்சை பெற்று வீடு திரும்பியுள்ளார்.
கோமேஸ் அபேக்ஷிங்க வீரகோன் என்ற 67 வயதுடைய நபரே இவ்வாறு துப்பாக்கி சூட்டிற்கு இலக்காகியுள்ளார்.
குறித்த வெடி சம்பவத்தை ஏற்படுத்திய சந்தேகநபர் தப்பிச் சென்றுள்ளார்.
குறித்த சந்தேக நபரை கைது செய்வதற்காக மருதானை பொலிஸார் மேலதிக விசாரணைகளை மேற்கொண்டுள்ளனர்.
கருத்து தெரிவிக்க