உள்நாட்டு செய்திகள்சமீபத்திய செய்திகள்புதியவைவடக்கு செய்திகள்

விடுதலைப்புலிகளின் தங்கபுதையலை தேடி தோல்வியடைந்த பொலிஸார்

முல்லைத்தீவு – புதுக்குடியிருப்பு சிவநகர் பகுதியில் விடுதலைப்புலிகளால் நகைகள் புதைக்கப்பட்டதாக நம்பப்படும் தனியார் வீடு ஒன்றில் நீதிமன்ற உத்தரவுக்கு அமைய அகழ்வு நடவடிக்கை ஒன்று இன்று முன்னெடுக்கப்பட்டுள்ளது.

இறுதி போர் நடைபெற்ற காலத்தில் தமிழீழ விடுதலை புலிகளால் அந்த இடத்தில் புதைக்கப்பட்ட தங்கத்தை தேடியே இந்த அகழ்வு நடவடிக்கை ச.தம்பிராசா என்பரின் காணிக்குள் வீட்டிற்கு அருகில் முன்னெடுக்கப்பட்டுள்ளது.

குறித்த பகுதியில் கடந்த 27 ஆம் திகதி  முதல் பொலீசாரின் பாதுகாப்பு போடப்பட்டு வந்த நிலையில் இன்று தோண்டுவதற்கு நீதிமன்றம் அனுமதி வழங்கியுள்ளது

கடந்த மாதம் 27ஆம் திகதி அதிகாலை இதே பகுதியில் தங்கத்தை தேடி சட்டவிரோத அகழ்வு நடவடிக்கையில் ஈடுபட்ட 14 பேர் அடங்கிய குழு ஒன்றினை பொலீசார் கைதுசெய்துள்ளார்கள்.

இதனை தொடர்ந்து மேற்கொள்ளப்பட்ட விசாரணைகளை மையமாகவைத்து குறித்த பகுதியில் தோண்டிபார்ப்பதற்கு நீதிமன்ற அனுமதி வழங்கியுள்ள நிலையில் புதுக்குடியிருப்பு உதவி பிரதேச செயலாளர், கிராமசேவையாளர், தொல்பொருள் திணைக்கள உத்தியோகத்தர்கள், படைஅதிகாரிகள்,பொலீசார் ஆகியோர் முன்னிலையில் குறித்த பகுதி தோண்டப்பட்ட போதும் எதுவித பொருட்களும் கிடைக்காத நிலையில் அதனை மூடிவிட்டு சென்றுள்ளார்கள்.

கருத்து தெரிவிக்க